Vienijamin sustreŭsia z baćkami dziaŭčatak, jakija spalili papiarovy abraz
Aficyjnyja ŚMI raspaŭsiudzili infarmacyju, što mitrapalit Vienijamin paśla skandału, što ŭźnik paśla zatrymańnia dźviuch školnic, jakija padpalili papiarovy abraz kala Śviata-Duchava kafiedralnaha sabora Minska, sustreŭsia ź ich baćkami. Rytoryka — prymirenčaja.
05.02.2023 / 15:51
Fota: church.by
«Patryjaršy Ekzarch nie tolki sustreŭsia z baćkami padletkaŭ, ale i chadajničaŭ ab tym, kab dziaŭčatak nie pryciahvali da kryminalnaj adkaznaści. Ź imi taksama razmaŭlaŭ śviatar kafiedralnaha sabora», — prakamientavaŭ situacyju kiraŭnik infarmacyjnaha addzieła BPC.
Pry hetym adznačajecca, što «šerah telehram-kanałaŭ pasprabavaŭ vykarystać vypadak u nieprystojnych metach, spasyłajučysia pry hetym na niedakładnuju infarmacyju».
«Składana skazać, čym kiravalisia hetyja školnicy. Naŭrad ci heta było žadańnie niejak śpiecyjalna abrazić Carkvu. Chutčej za ŭsio jany chacieli, jak kažuć u maładziožnym asiaroddzi, «złavić chajp» u sacsietkach. Nam by vielmi chaciełasia, kab dziaŭčatki ščyra zrazumieli pamyłkovaść svaich dziejańniaŭ. Bo Carkva žadaje kožnamu čałavieku «vyratavacca i ŭ rozum iściny pryjści» i źviartajecca z hetaj malitvaj da Boha», — zajaviŭ kiraŭnik infarmacyjnaha addzieła BPC ijerej Ihar Vaśko.
Raniej prachodziła infarmacyja, što na pieradačy hetaj spravy ŭ Śledčy kamitet nastojvaŭ sam mitrapalit Vienijamin.