U Łahojsku dvoje mužčyn zahinuli, idučy ŭ łaźniu
U Łahojsku pry pierachodzie pa lodzie praz raku Hajnu patanuli dvoje mužčyn 34 i 42 hadoŭ. Jany ŭčora ŭviečary, kala 22-j hadziny kiravalisia ŭ adnu z pryvatnych łaźniaŭ Łahojska i vyrašyli skaracić šlach, paspadziavaŭšysia na taŭščyniu lodu, piša telehram-kanał «Łahojsk» (nie)aficyjna).
06.02.2023 / 16:52
Pakolki ni ŭ łaźniu, ni dadomu mužčyny ŭ toj viečar nie dajšli, ich svajaki stali turbavacca. A na zdahadki pra ich los naviała znojdzienaja na bierazie šapka.
Dastavali z Hajny zahinułych vadałazy Smalavickaj ratavalnaj stancyi. Cieły sa dna padniali siońnia prykładna ŭ 13:30. Ciapier na miescy zdareńnia pracujuć śledčyja.