Byłoha studenta JeHU asudzili za ŭdzieł u paślavybarčych pratestach
U sudzie Centralnaha rajona Minska asudzili palitźniavolenaha Juryja Chrystalubava pavodle č. 1 art. 342 («Arhanizacyja ci padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich»), paviedamiła «Viasna».
07.02.2023 / 22:47
Suddzia Jułijana Ščerba pryznačyła Juryju dva hady i šeść miesiacaŭ abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaj chimii»).
Paśla zatrymańnia Juryja ŭ praŭładnym telehram-kanale ź im apublikavali śpiecyjalna zapisanaje videa. Pavodle siłavikoŭ, chłopiec niby ŭdzielničaŭ u paślavybarčych akcyjach pratestu i pierakryvaŭ ruch transpartu. Taksama jany śćviardžali, što ź Juryjem u 2020 hodzie nibyta źviazvalisia śpiecsłužby Litvy i prapanoŭvali hrošy za ŭdzieł u pratestach.