Pad mostam u Breście zachrasła fura, kiroŭca byŭ nadta samaŭpeŭnieny
Niezvyčajnaja avaryja 8 lutaha adbyłasia na vulicy Skrypnikava ŭ Breście. Tut raźmieščany most, jaki ŭ narodzie zaviecca «Harbatym», a kala jaho jość darožny znak, jaki papiaredžvaje ab abmiežavańni vyšyni. Ale kiroŭca adnoj z furaŭ vyrašyŭ ryzyknuć, i darma.
08.02.2023 / 22:27
Darožnaje zdareńnie adbyłosia apoŭdni 8 lutaha, kali 37-hadovy žychar Viciebskaj vobłaści kiravaŭ aŭtamabilem Scania z paŭpryčepam i ruchaŭsia pablizu doma №5 pa vulicy Skrypnikava.
Jak paviedamili ŭ DAI, kiroŭca praihnaravaŭ patrabavańnie darožnaha znaka 3.13 «Abmiežavańnie vyšyni» i sutyknuŭsia z čyhunačnym mostam, jaki ŭ narodzie nazyvajuć «Harbatym».
Kali miascovyja kiroŭcy ŭ kursie, što hety most zanadta nizki, to pryjezdžy dalnabojnik akazaŭsia zanadta samaŭpeŭnienym. U vyniku fura, zachrasšy pad mostam, atrymała miechaničnyja paškodžańni.