Вакаліст гурта «Бан Жвірба» пераарыштаваны на 15 сутак
Вакаліст гурта «Бан Жвірба» Дзмітрый Гаўрылін зноў арыштаваны на 15 сутак. Пра гэта паведамляе актывіст Ілья Міронаў.
13.02.2023 / 10:44
«Як стала вядома, відны музыка, вакаліст, заснавальнік легендарнага гурта «Бан Жвірба» з Гомеля зноў у ІЧУ, з якога павінен быў выйсці 9 лютага пасля 15 сутак адміністрацыйнага арышту (артыкул КаАП невядомы). Зноў затрыманне, як гэта правільней сказаць, і чарговыя 15 сутак, калі адбылося судовае пасяджэнне і па якім артыкуле, невядома», — напісаў Ілья Міронаў.
Нагадаем, вакаліста гурта «Бан Жвірба» Дзмітрыя Гаўрыліна і яго жонку Вікторыю затрымалі 27 студзеня.