У Польшчы выйдзе адаптацыя ўкраінскага серыяла «Слуга народа»
Серыял пакажа тэлеканал Polsat, які выкупіў правы на «Слугу народа».
19.02.2023 / 22:11
У рымейку, як і ў арыгінальным тэлесерыяле, распавядаецца пра маладога настаўніка гісторыі Ігната Канцавога, які раптам займае самую высокую пасаду ў дзяржаве. І калі становіцца прэзідэнтам, то адмаўляецца ад усіх прывілеяў і працягвае ездзіць на працу на ровары.
Аўтары польскай версіі паабяцалі захаваць асноўны сюжэт серыяла, але некаторыя моманты, не актуальныя для польскага гледача, прыбралі.
На 4 сакавіка запланавана прэмʼера.
У сеціве жартуюць, што ў Польшчы надыходзіць новая эра. Украінскі глядач змог паверыць у прэзідэнцкі патэнцыял коміка Уладзіміра Зяленскага не ў апошнюю чаргу дзякуючы фільму«Слуга народа».