Беларускі сцяг падчас выступу Святланы Ціханоўскай у Бруселі ФОТА
Святлана Ціханоўская сёння выступіла на пленарным пасяджэнні Еўрапейскага эканамічнага і сацыяльнага камітэта (EESC) у Бруселі. Падчас яе выступлення адзін з дэлегатаў у зале ўзняў бел-чырвона-белы сцяг.
22.02.2023 / 18:41
Ціханоўская падчас свайго выступлення заклікала далучыцца да беларусаў у пабудове новай Беларусі, новай Еўропы, у адбудове Украіны. А таксама падтрымаць наш народ у імкненні да свабоды.
«Дэмакратычная Беларусь — гэта самая жорсткая санкцыя супраць Пуціна… Таму вельмі важна размяжоўваць беларускі народ і рэжым. Беларусы — на баку Украіны. Яны хочуць свабоды, дэмакратыі і незалежнасці. Гэта рэжым стаў саўдзельнікам Пуціна і павінен быць прыцягнуты да адказнасці. Таксама важна паказаць беларусам пазітыўную альтэрнатыву, тое, за што трэба змагацца. Беларусы павінны адчуваць і бачыць еўрапейскую перспектыву», — адзначыла Святлана Ціханоўская.