«Całkam padtrymlivaju, całkam zhodzien, vydatnaje vystupleńnie». Deputat-kamunist pahladzieŭ pasłańnie Pucina z łokšynaj na vušach
Deputat Samarskaj abłasnoj dumy ad KPRF Michaił Abdałkin narvaŭsia na rezkuju krytyku i ŭnutry partyi, i zvonku jaje paśla vystaŭleńnia ŭ internet videa, na jakim jon hladzić pasłańnie Uładzimira Pucina Fiederalnamu schodu, načapiŭšy na vušy makarony.
23.02.2023 / 01:02
Abdałkin sam apublikavaŭ rolik na asabistych staronkach u sacsietkach, adznačyŭšy pry hetym, što hladzieŭ pasłańnie na prośbu kiraŭnictva frakcyi KPRF u abłasnoj dumie.
«Całkam padtrymlivaju, całkam zhodzien, vydatnaje vystupleńnie. Ničoha padobnaha ja za apošnija 23 hady nie čuŭ. Pryjemna ździŭleny», — prakamientavaŭ deputat svajo videa.
Kiraŭnictva KPRF učynak svajho adnapartyjca nie ŭchvaliła. Kiraŭnik pres-słužby frakcyi KPRF u Dziaržaŭnaj dumie Alaksandr Juščanka acharaktaryzavaŭ učynak Abdałkina jak «hłupstva» i abvinavaciŭ jaho ŭ žadańni «złavić imhniennuju papularnaść» u internecie. I paabiacaŭ, što heta nie zastaniecca biez uvahi. Tym bolš što «kryvi» Abdałkina ŭžo patrabujuć i nabližanyja da ŭłady piersanažy nakštałt deputata ad «Adzinaj Rasii» Alaksandra Chinštejna.