Палякам дазволяць заязджаць у Беларусь па бязвізе праз любыя пункты пропуску
Бязвізавы ўезд для грамадзян Польшчы будзе дазволены ва ўсіх пунктах пропуску, паведаміў Пагранкамітэт Беларусі.
01.03.2023 / 17:04
Фота ілюстрацыйнае
Раней грамадзяне Польшчы маглі ўехаць у Беларусь без візы толькі на беларуска-польскім участку мяжы, цяпер жа пры жаданні могуць гэта зрабіць і з Літвы, і з Латвіі.
Новаўвядзенне будзе дзейнічаць з 00 гадзін 2 сакавіка па 31 снежня ўключна.
Гэты крок — чыста прапагандысцкі, ім лукашэнкаўскі рэжым спрабуе ўбіць клін паміж польскімі ўладамі і польскім грамадствам. Нібыта ён нічога не мае супраць простых людзей і ім нават спрыяе ды да іх адкрыты, але ў той жа час бескампрамісна змагаецца супраць «несправядлівых» абмежаванняў, накладаных польскай дзяржавай.