Učora adbylisia vybuchi na rasijskim aeradromie ŭ Krasnadarskim krai. Błohiery kažuć pra bieśpiłotnik, ułady — pra vučeńni
Učora ŭviečary SMI i telehram-kanały apublikavali fota, na jakim bačny mierkavany ŭčastak uzharańnia ŭ rajonie vajskovaha aeradroma ŭ Jejsku Krasnadarskaha kraju.
01.03.2023 / 17:51
Prarasijskija vajskovyja błohiery nazvali pryčynaj vybuchaŭ ataku bieśpiłotnikaŭ. Pa źviestkach telehram-kanała «Rybar», dron Tu-141 «Stryž» upaŭ pobač z lotnym polem, nie paškodziŭšy samaloty.
Miascovyja ŭłady admaŭlajuć infarmacyju ab napadzie na aeradrom i tłumačać huki vybuchaŭ vučeńniami.
«Stryžy» ŭ śniežni minułaha hoda vykarystoŭvalisia dla ŭdaraŭ pa aeradromach u Sarataŭskaj i Razanskaj abłaściach, na jakich bazirujecca rasijskaja stratehičnaja avijacyja.