U Biarezinskim zapaviedniku praviali pierapis žyvioł pa śladach
U Biarezinskim bijasfiernym zapaviedniku praviali zimovy padlik žyvioł pa śladach. Hetym zajmalisia supracoŭniki laśnictvaŭ, a taksama jehierskaj i palaŭničaj słužby pad kantrolem śpiecyjalistaŭ navukovaha addzieła zapaviednika, paviedamlaje jaho pres-słužba.
02.03.2023 / 22:39
Dziakujučy daśledavańniam vyśvietliłasia, što kolkaść vysakarodnaha alenia sioleta pavialičyłasia amal na tracinu ŭ paraŭnańni z minułym hodam. Kolkaść rysi zastajecca pa— raniejšamu stabilnaj — u zapaviedniku žyvuć kala 20 asobin.
U paraŭnańni z minułym hodam istotna vyrasła kolkaść jak drapiežnikaŭ (lisic, kunic), tak i ich achviar (zajca-rusaka, zajca-bielaka, vaviorki).
U toj ža čas kolkaść kazul źmienšyłasia. Heta moža być źviazana z pavieličeńniem na terytoryi zapaviednika kolkaści vaŭkoŭ — sioleta ich naličyli 35 asobin.
Padčas praviadzieńnia ŭlikaŭ u Domžaryckim, Zarečnym i Ciareškinskim laśnictvach znajšli ślady čatyroch miadźviedziaŭ. Pryčynaj ich rańniaha abudžeńnia, vidać, stała adliha ŭ lutym.