Dziaŭčyna pasprabavała źbić svajho chłopca mašynaj za toje, što jon dajeŭ apošniuju bulbinu fry
Jana pramachnułasia i vylecieła na sustrečku, začapiŭšy jašče adzin aŭtamabil i ŭrezaŭšysia ŭ słup.
04.03.2023 / 22:42
Fota: Yulius Gustav Ndolu Widyasputra, pixabay
U Aŭstralii dziaŭčyna pasprabavała źbić svajho chłopca na mašynie z-za taho, što jon dajeŭ jaje bulbu fry. Pra heta 27 lutaha napisała hazieta Daily Mail sa spasyłkaj na repartaž 9News.
Šarłota Charysan i Mećiu Fin spakojna jechali ŭ mašynie. Dziaŭčyna jeła kurycu i bulbu fry, chłopiec ubačyŭ va ŭpakoŭcy niekalki apošnich bulbin i zjeŭ ich, bo vyrašyŭ, što ich pakinuli jamu.
Heta vyvieła dziaŭčynu z siabie i vyklikała surjozny skandał, što vyliłasia ŭ sprobu źbićcia chłopca.
«Jana na jaho nakryčała i zapatrabavała vyjści z mašyny. Paśla taho, jak Mećiu vyjšaŭ, Šarłota stała chutka jechać prama na jaho. Adnak jon adskočyŭ u bok, a dziaŭčyna vylecieła na sustrečnuju pałasu i ŭrezałasia ŭ słup, zakranuŭšy inšy aŭtamabil», — piša Daily Mail.
U hety momant žyćciam Mećiu i Šarłoty ništo nie pahražaje, ale dziaŭčyna paśla incydentu była ŭziataja pad vartu. Joj stavicca ŭ vinu «pahroza žyćciu z abciažarvalnymi abstavinami ŭ vyhladzie biezrazvažnaha abo niebiaśpiečnaha kiravańnia».
Na sudzie advakat dziaŭčyny pradstaviŭ inšuju viersiju situacyi, u jakoj Mećiu sam napaŭ na Šarłotu «z metaj vyjści z mašyny», a zatym jana «vypadkova nacisnuła na haz, śpiašajučysia ŭ palicyju paviedamić ab napadzie na jaje».
«Mećiu było kiepska, tamu Šarłota viezła jaho ŭ balnicu. Pa darozie jon napaŭ na jaje, patrabujučy spynić mašynu, kab samomu vyjści. Potym jana vypadkova nacisnuła haz i pajechała ŭ jaho bok, žadajučy raźviarnucca i dabracca da palicejskaha ŭčastku, ale ŭrezałasia ŭ słup i začapiła inšuju mašynu».
«Zrazumieła, što šmat kamu zdasca, byccam maja padabaronnaja sprabavała źbić chłopca, adnak jana nie źbirałasia pryčyniać jamu škodu», — zajaviŭ advakat Šarłoty padčas suda.
Taksama jon dadaŭ, što Mećiu, pa słovach Šarłoty, maje prablemy z narkotykami, a taksama raniej źbivaŭ jaje i siadzieŭ u turmie.
Chłopiec ža ŭ adkaz na sudzie skazaŭ, što darma zabraŭ apošniuju bulbinu ŭ dziaŭčyny.