Памёр дэпутат Палаты прадстаўнікоў Андрэй Злотнікаў
Пра смерць дэпутата Палаты прадстаўнікоў Андрэя Злотнікава паведаміў сёння Гомельскі аблвыканкам. Яму было 52 гады.
07.03.2023 / 21:41
Андрэй Злотнікаў быў ураджэнцам расійскага Ленінграда, але ўсю прафесійную кар'еру зрабіў у Гомелі. У Палаце прадстаўнікоў ён быў членам пастаяннай камісіі па адукацыі, культуры і навуцы.
У 2020 годзе жыхары Гомеля спрабавалі зладзіць кампанію па яго адкліканні, але пацярпелі, як і шматлікія іншыя беларусы, няўдачу, нагадвае гомельскае выданне «Флагшток». У абвешчанай сітуацыі «не да законаў» тады ўлады перасталі нават фармальна звяртаць увагу на любыя працэдуры, у тым ліку і адклікання дэпутатаў.
У апошні год жыцця, як і іншыя праўладныя дзеячы, дэпутат Злотнікаў рэтрансляваў наратывы расійскай прапаганды: вінаватымі за расійскае ўварванне ва Украіну ён называў украінскае кіраўніцтва і ўкраінцаў.