Skarynaŭskaja bibłijateka ŭ Łondanie adradžaje zaniatki ŭ niadzielnaj biełaruskaj škole
Pra namier adradzić niadzielnuju biełaruskuju škołu Skarynaŭskaja bibłijateka napisała na svajoj staroncy ŭ fejsbuku.
10.03.2023 / 23:22
«U nas cudoŭnaja navina — my adradžajem niadzielnuju biełaruskuju škołku. Zaniatki buduć prachodzić raz na 2-3 tydni ŭ bibłijatecy. My budziem malavać, majstravać, śpiavać, hulać, biehać, skakać (taksama i ŭ sadzie!)… kab u hulniavaj formie dzietki vučyli novyja słovy i dałučalisia da biełaruskaj kultury.
Pieršy ŭrok projdzie ŭ subotu, 18 sakavika. Abviestku z detalami apublikujem paźniej.
Kali łaska, napišycie nam, kali vašyja dzietki žadajuć da nas dałučycca. My taksama šukajem darosłych vałancioraŭ, jakija chacieli b nam dapamahać z arhanizacyjaj zaniatkaŭ», — napisana na staroncy bibłijateki.