U Polščy pjany biełarus zajechaŭ na fury prosta ŭ ścianu budynka
37-hadovy hramadzianin Biełarusi, znachodziačysia za rulom fury, zajechaŭ u ścianu budynka pad Biała-Padlaskaj, paviedamlaje Lublin112.pl. Zdareńnie adbyłosia na terytoryi aŭtazapravačnaj stancyi.
15.03.2023 / 20:21
Palicyja atrymała sihnał, što hruzavik zajechaŭ u budynak, a jahony kiroŭca pjany.
Prybyŭšy na miesca, palicyjanty vyśvietlili, što za rulom znachodzicca hramadzianin Biełarusi. Ałkatestar vyjaviŭ u jaho bolš za 2 pramile ałkaholu. Paśla taho mužčynu zatrymali i ŭziali ŭ jaho kroŭ na analiz.
Biełarusu vystavili abvinavačańnie ŭ kiravańni ŭ niecviarozym stanie. Artykuł praduhledžvaje da dvuch hadoŭ pazbaŭleńnia voli. Taksama mužčynu daviadziecca zapłacić štraf nie mienš za 5 tysiač złotych (bolš za 1,1 tysiačy dalaraŭ).
Akramia taho, sud moža nakłaści zabaronu na kiravańnie transpartnymi srodkami na termin da 15 hadoŭ. Minimalny termin zabarony składaje try hady.