Polskija ŭłady raskazali, u čym abvinavačvajuć rasijskuju špijonskuju sietku, u jakoj fihurujuć i biełarusy
Ministr unutranych spraŭ Polščy zajaviŭ, što ŭsiaho byli aryštavanyja 9 čałaviek.
16.03.2023 / 15:40
Ministr unutranych spraŭ Polščy Maryjuš Kaminski, Fota: MUS Polščy
Ministerstva ŭnutranych spraŭ Polščy raskryła novyja padrabiaznaści niadaŭniaha raskryćcia rasijskaj špijonskaj sietki ŭ krainie. Infarmacyja pra heta była apublikavanaja 16 sakavika na aficyjnym sajcie viedamstva.
Kiraŭnik polskaha MUS Maryjuš Kaminski zajaviŭ, što ŭsiaho było zatrymana 9 «zamiežnikaŭ z-za ŭschodniaj miažy», jakija viali raźviedvalnuju dziejnaść i rychtavali dyviersii ŭ Polščy.
«Zatrymanyja — zamiežniki z-za ŭschodniaj miažy. Šeść ź ich byli źmieščanyja pad vartu da suda. Prakuratura vystaviła im abvinavačańnie ŭ špijanažy na karyść Rasii i ŭdziele ŭ arhanizavanaj złačynnaj hrupoŭcy. U dačynieńni da jašče traich, zatrymanych učora, praciahvajuć vieścisia śledčyja mierapryjemstvy», — raspavioŭ Kaminski.
Pavodle jaho słoŭ, hałoŭnaj metaj špijonaŭ byŭ sabataž dapamohi Ukrainie ŭzbrajeńniami, a taksama prapahanda antyzachodnich nastrojaŭ u Polščy.
Taksama, pa infarmacyi polskaha Ahienctva ŭnutranaj biaśpieki, zatrymanyja za svaju dziejnaść rehularna atrymlivali ŭznaharodžańnie ad rasijskich śpiecsłužbaŭ.
Nahadajem, što jašče ŭčora źjaviłasia infarmacyja ab likvidacyi rasijskaj špijonskaj sietki ŭ Polščy. Tady paviedamlałasia, što dyviersanty zajmalisia sačeńniem za čyhunačnymi puciami ŭ Padkarpackim vajavodstvie — u pryvatnaści, kala aeraporta Jasioncy niepadalok ad Rašava (Žešuŭ), dzie znachodzicca važny punkt pastavak zachodniaj zbroi va Ukrainu.
U polskich SMI i viedamstvach aficyjna jašče nie źjaŭlałasia infarmacyja pra asoby zatrymanych, bo heta zabaroniena polskimi zakonami. Adnak prałukašenkaŭskija telehram-kanały ŭžo nazvali imiony troch aryštavanych biełarusaŭ.
Voś jany:
- Mikałaj Maskalenka, 1971 h. n.
- Uładzisłaŭ Paśmiciucha, 1994 h. n.
- Maryja Miadźviedzieva, 2004 h. n.
Na ciapierašni momant aficyjnaj infarmacyi z polskaha boku pra hetych ludziej niama.
Čytajcie taksama:
Palaki pačali stavić umacavańni na miažy ź Biełarussiu FOTA
Adnovicca avijazłučeńnie ź Iranam. Ci ryzyknie Łukašenka paŭtaryć ataku mihrantami?