Łatvijskija pamiežniki vyłavili ŭ Dźvinie kantrabandnyja biełaruskija cyharety. 150 tysiač štuk
Płyt z kantrabandnymi cyharetami ź Biełarusi dastali ź Dźviny łatvijskija pamiežniki. Pra heta paviedamlaje pres-słužba pamiežnaha viedamstva Łatvii.
18.03.2023 / 14:49
Cyharety, vyłaŭlenyja ź Dźviny łatvijskimi pamiežnikami 15 sakavika 2023 hoda. Fota: rs.gov.lv
Padazrony pramavuholny abjekt vyjavili 15 sakavika. Pamiežniki padpłyli da jaho na katary i dastali z vady.
Akazałasia, što takim čynam kantrabandysty sprabavali pierapravić ź Biełarusi ŭ Łatviju amal 150 tysiač cyharet marki NZ. Na ŭsich pačkach byli naleplenyja biełaruskija akcyzy. Hruz byŭ abhornuty polietylenavaj plonkaj.
Pa fakcie kantrabandy ŭ bujnym pamiery zaviedzienaja kryminalnaja sprava.