Advakatku Nastassiu Łazarenka buduć sudzić za kansultacyi pad Akreścina
Palitźniavolenuju advakatku zatrymali 2 červienia — praz dva dni paśla jaje 40-hoddzia. Spačatku suprać jaje zaviali kryminalnuju spravu pavodle č. 3 art. 130 KK za «pieradaču danych siłavikoŭ i suddziaŭ u telehram-kanały».
22.03.2023 / 11:01
Ciapier stała viadoma, što jaje taksama abvinavačvajuć pavodle art. 203-1 KK (niezakonnyja dziejańni ŭ dačynieńni da infarmacyi ab pryvatnym žyćci) i č. 1 art. 342 KK (arhanizacyja i padrychtoŭka dziejańniaŭ, jakija hruba parušajuć hramadski paradak). Pavodle śledstva, jana nibyta arhanizavała «niesankcyjanavanaje masavaje mierapryjemstva», kali pravodziła kansultacyju pad Akreścina ŭ žniŭni 2020 hoda.
Chutka nad joj moža adbycca sud. Na voli ŭ jaje zastalisia pažyły baćka i 19-hadovy syn, jaki z 16 hod pakutuje ad chvaroby Krona.
Padtrymajcie Nastassiu: SIZA-1, 220030, Minsk, Vaładarskaha, 2, Łazarenka Nastassia Uładzimiraŭna.
Čytajcie taksama:
Zatrymali advakataŭ Biełavusa, Babaryki, Cichanoŭskaha, Aŭtuchoviča i inšych palitviaźniaŭ