Каардынацыйная рада заклікала літоўскія ўлады перагледзець рэдакцыю закона аб візах і працэдурах легалізацыі беларусаў
Каардынацыйная рада Беларусі апублікавала заяву ў сувязі з законам «Аб абмежавальных мерах у дачыненні да ваеннай агрэсіі ва Украіне», прынятым Соймам Літвы ў першым чытанні.
24.03.2023 / 13:30
«Мы верым, што Еўрапейскі Саюз імкнецца наблізіць беларусаў да Еўропы і еўрапейскіх каштоўнасцяў, каштоўнасцяў свабоды і правоў грамадзянаў. Зрабіць гэта можна не праз закрыццё межаў, а праз еўрапейскі прыклад таго, як дэмакратыя і правы чалавека працуюць у грамадстве, у якім паважаюцца правы любога, у тым ліку і народжанага ў Беларусі», — гаворыцца ў заяве.
У поўнай меры падзяляючы заклапочанасць нашых літоўскіх і еўрапейскіх калег і партнёраў праблемай бяспекі, мы тым не менш заклікаем да абмеркавання існуючых праблем і выпрацоўкі сумесных рашэнняў. Прапануем правесці сустрэчу з групай з прадстаўнікоў Аб'яднанага пераходнага Кабінета і Каардынацыйнай рады перад наступным чытаннем Закона».
Чытайце таксама:
Офіс Ціханоўскай пракаментаваў новы закон, які могуць прыняць па беларусах у Літве