Łukašenka ŭ 2022-m: «Ja nie płanuju raźmiaščać jadziernuju zbroju. Takoha nikoli nie było». Pucin u 2023-m: «Alaksandr Ryhoravič daŭno prasiŭ raźmiaścić jadziernuju zbroju»
Žurnalisty ŭzhadali słovy Alaksandra Łukašenki nakont jadziernaj zbroi, jakija jon skazaŭ roŭna hod tamu, u sakaviku 2022 hoda, kali daŭ intervju japonskamu telekanału TBS.
27.03.2023 / 15:18
Tady žurnalist spytaŭ, navošta ŭ Kanstytucyi prybrali zamacavany status Biełarusi jak biaźjadziernaj krainy, a taksama pacikaviŭsia, ci maje namier Łukašenka raźmiaścić u krainie jadziernuju zbroju i ci prasiŭ jaho ab hetym Uładzimir Pucin.
«Ja nie płanuju raźmiaščać tut jadziernuju zbroju, vyrablać tut jadziernuju zbroju, stvarać i vykarystoŭvać hetuju jadziernuju zbroju suprać kaho b tam ni było. Takoha nikoli nie było ŭ płanach biełaruskaha kiraŭnictva i ŭ maich płanach», — skazaŭ tady Łukašenka.
A voś ciapier vyśvietliłasia, što Łukašenka «daŭno stavić pytańnie ab mahčymaści raźmiaščeńnia na terytoryi svajoj krainy rasijskaj taktyčnaj jadziernaj zbroi». Pra heta raspavioŭ Uładzimir Pucin.