Sałata z buraka i syru fieta — idealny bałans sałodkaha i salonaha
Kantrasnyja smaki ŭ hetaj sałacie vam spadabajucca — asabliva ŭ spałučeńni z travami, śpiecyjami i miadova-harčyčnaj zapraŭkaj. A burak jašče i karysny!
02.04.2023 / 11:15
Sałata z buraka i syru fieta. Fota: scrambledchefs.com
Vam spatrebicca:
- 200 h maładoha liścia špinatu,
- 500 h varanaha buraka,
- 2 pački pa 200 h syru fieta, raskryšanaha,
- pučok liścia miaty, parvanaha,
- pučok zialonaj cybuli, drobna narezanaj,
- 2 doŭhija čyrvonyja piercy čyli, ačyščanyja ad nasieńnia i drobna narezanyja,
- 5 stałovych łyžak rapsavaha aleju,
- 5 st. ł. miodu,
- 5 st. ł. limonnaha soku,
- 1 st. ł. dyžonskaj harčycy.
Jak hatavać:
1. Vykładzicie liście špinatu na vialikuju talerku. Narežcie burak kavałačkami i vykładzicie na špinat. Pasypcie syram, miataj, zialonaj cybulaj i piercam čyli.
2. Dla zapraŭki: źmiašajcie alej, miod, limonny sok i harčycu ŭ šklanym słoiku z nakryŭkaj. Dobra patrasicie, kab usio pieramiašałasia. Palicie sałatu zapraŭkaj i źlohku źmiašajcie.
Smačna jeści!
Jašče recepty:
Recept na vychadnyja: novy padychod da zvykłaj hrečaskaj sałaty
Recept na vychadnyja. Kieks z buraka — niezvyčajna i niečakana smačna