Галоўны трэнер зборнай заявіў, што сёння для беларусаў галоўная гульня

Галоўны трэнер зборнай Беларусі Георгій Кандрацьеў расказаў пра настрой нацыянальнай каманды перад матчам з Румыніяй у адборы на ЧЕ-2024.

28.03.2023 / 10:26

«Не чытаю нічога, імкнёмся абстрагавацца. Кажуць — няхай гавораць. Казаць жа можна ўсё што заўгодна. А хлопцы… Мы іх не чапалі пасля той гульні. Як я ўжо сказаў на той прэс-канферэнцыі, пры ліку 0:3 мы ўжо думалі, як лепей падрыхтавацца да гэтай гульні.

Прайгралі ж фаварыту (Беларусь — Швейцарыя — 0:5), у гэтым нічога страшнага няма.

Я гэта рабятам даводжу, увесь гэты час. Вось з Румыніяй у нас галоўная гульня, з гэтых двух. Думаю, што хлопцы выдатна разумеюць. Гэтай адной гульнёй можна ўсё выправіць

У рэшце рэшт гэта ўсяго толькі футбол. Гэта ўсяго толькі спорт. Зацыклівацца на паразе — гэта няправільна. Прайгралі, забыліся, рыхтуемся да наступных гульняў. У хлопцаў нармальны настрой», — сказаў Кандрацьеў.

У групавым турніры да Еўра-2024 таксама зборныя Ізраіля, Косава, Андоры.

Гаспадар у беларускім футболе новы, а вынікі старыя. Беларусь — Швейцарыя — 0:5

«Зберагчы дзяцей ад страты зроку, наступнага суіцыду». Новы старшыня АБФФ расказаў, што збіраецца рабіць з беларускім футболам

УЕФА разгледзіць пытанне выключэння беларускага футбола з міжнародных спаборніцтваў

Nashaniva.com