U Zelvie źnieśli pomnik Łarysie Hienijuš
U Zelvie ŭsio ž demantavali pomnik Łarysie Hienijuš, jaki stajaŭ pry miascovaj carkvie. Chto addaŭ zahad na jaho likvidacyju — carkoŭnyja ŭłady ci pradstaŭniki dziaržaŭnaj «viertykali» — pakul nieviadoma, paviedamlaje «Radyjo Racyja».
30.03.2023 / 12:46
Pra demantaž pomnika paviedamiŭ unuk Łarysy Hienijuš Michaś Hienijuš, jaki dasłaŭ fota miesca, dzie stajaŭ pomnik.
Fota Radyjo Racyja
Jašče ŭčora była infarmacyja, što pomnik prybirać nie buduć, pakolki demantaž nie adpaviadaje zakanadaŭstvu. Adnak niechta addaŭ zahad i pomnik faktyčna skrali.
Pomnik Łarysie Hienijuš pry zelvienskaj carkvie byŭ ustalavany z błasłavieńnia mitrapalita Fiłareta ŭ 2003 hodzie. Jon faktyčna naležaŭ Biełaruskaj pravasłaŭnaj carkvie.
Pomnik patrabavała likvidavać prarasijskaja aktyvistka i «infakazačka» Volha Bondarava. Choć śpiarša Zelvienski rajvykankam admoviŭ, pomnik usio ž demantavali.