Паміж Вільняй і Коўна запусцілі «велікодны» цягнік
Упрыгожаныя да свята цягнікі пачалі хадзіць з 31 сакавіка. Пракаціцца ў іх можна да 16 красавіка.
02.04.2023 / 16:13
Фота: madeinvilnius.lt
Велікодны цягнік LTG Link упрыгожваў прафесійны фларыст Мантас Петрушкявічус, піша madeinvilnius.lt. Ва ўзоры выкарыстаны народныя літоўскія матывы і кветкі.
Тарыфы на гэты цягнік, які ходзіць па маршруце Вільня — Коўна — Вільня, будуць звычайнымі.
Курсіруе ён штодня шэсць разоў на дзень, г. зн. тры разы ў бок Коўна і тры разы — у Вільню. У іншыя дні — 3-7, 11-12 і 14 красавіка — пасажыры змогуць выбіраць з васьмі рэйсаў на дзень.
Літоўскія цягнікі да свята ўпрыгожваюць не ўпершыню. Так, святочныя цягнікі да Калядаў прыцягнулі 43 тысячы пасажыраў, 9 тысячы з якіх ехалі на цягніку першы раз.
Чытайце таксама:
У Крыме збіраюцца да лета наладзіць чыгуначнае злучэнне з Беларуссю
Беларуская чыгунка запускае цягнік да Архангельска. Ехаць двое сутак
Аднаго брата забіў беларускі салдат, другога — украінскі. Крывавы Вялікдзень-1999 і што было пасля