Słanicha ź Bierlinskaha zaaparka navučyłasia čyścić banany, chacia nichto jaje hetamu nie vučyŭ
Zvyčajna słany zjadajuć banany razam z łupinami, adnak słanicha pa mianušcy Panh Pcha navučyłasia čyścić frukt pierad užyvańniem.
11.04.2023 / 20:41
Daśledčyki zaŭvažyli, što słanicha čyścić tolki banany z karyčnievymi plamami, zialonyja i žoŭtyja jana prahłynaje całkam. Taksama Panh Pcha zjadaje frukt całkam, kali znachodzicca ŭ hrupie ź inšymi słanami.
Chutčej za ŭsio, jana razumieje, što na ačystku bananaŭ spatrebicca čas, i pakul astatnija jaduć ich całkam, joj moža ničoha nie dastacca.
Pa słovach navukoŭcaŭ, Panh Pcha mahła navučycca zdymać łupiny z bananaŭ, nazirajučy za ludźmi. U inšych słanoŭ Bierlinskaha zaaparka takoha navyku pakul niama.
Čytajcie taksama:
U Hrodzienskim zaaparku čarhovaje papaŭnieńnie. Pahladzicie, jakaja maleča tam naradziłasia