У серыяле пра «Песняроў» заблюрылі сцэны з акцёрам-купалаўцам. Проста паглядзіце на гэтыя кадры
Расійска-беларускі серыял «За паўгадзіны да вясны» пра музыку Уладзіміра Мулявіна і савецкі ансамбль «Песняры» зацэнзураваў «няправільнага» акцёра і зрабіў з яго прывіднага барабаншчыка.
12.04.2023 / 20:34
Скрыншоты серыяла тут і далей прадастаўлены купалаўцамі
Прывідны барабаншчык на заднім плане — акцёр Дзмітрый Есяневіч
У серыяле зняўся акцёр Купалаўскага тэатра Дзмітрый Есяневіч, які пасля выбараў 2020-га звольніўся з тэатра і далучыўся да «вольных купалаўцаў». Пасля ён трапіў у «чорны спіс» Мінкульта.
Есяневіч граў у серыяле барабаншчыка калектыву Аляксандра Дзямешка.
Але ў фінальных кадрах зрабілі так, каб яго было як меней заўважна. Блюрыліся нават асобныя буйныя планы.
Раней Есяневіча прыбралі з афішы серыяла.
Ёсць версія, што фільм адцэнзуравалі, каб атрымаць у Мінкульта дазвол на паказ у Беларусі. У Расіі серыял паказваюць «Першым канале» і платформе Start.