Biełaruskija pamiežniki palavali na bieśpiłotnik i ledź sami siabie nie pierastralali VIDEA
Va ŭkrainskich telehram-kanałach źjaviłasia videa, na jakim biełaruskija pamiežniki sprabujuć trapić u dron z aŭtamataŭ, ale ŭ ich ničoha nie atrymlivajecca. Jany tak zachapilisia palavańniem, što ledź nie pierastralali adzin adnaho, piša Reform.by.
03.05.2023 / 17:45
Skrynšot ź videa
Kali i dzie zroblena videa, nieviadoma. Ale zdymaŭ jaho adzin z udzielnikaŭ incydentu ź biełaruskaha boku.
Na kadrach ludzi ŭ biełaruskaj vajskovaj formie stajać na śledavoj pałasie kala słužbovaha aŭtamabila typu «kazioł» u formie koleraŭ pamiežnaj słužby i stralajuć u bieśpiłotnik, jaki zavis nasuprać ich na sumiežnaj terytoryi.
Apublikavana taksama videa, zroblenaje z drona. Vidać, što biełaruskija pamiežniki tak zachapilisia stralboj, što biehajuć na linii ahniu. Heta zaŭvažyŭ i kamandzir, jaki kryčyć im być bolš aściarožnymi.
Urešcie, dron palacieŭ cełym.
Čytajcie taksama:
Siońnia nočču była sproba ŭdaru bieśpiłotnikami pa Kramli
Hetaj nočču byli vybuchi i na vajskovym aeradromie ŭ Branskaj vobłaści
Bieśpiłotnik atakavaŭ reziervuar z palivam u Krasnadarskim krai Rasii