Alaksandr Łukašenka nie išoŭ razam z Pucinym i inšymi haściami Kramla pieški ŭ Alaksandraŭski sad
Hety i inšyja fakty, a taksama jaho biazradasny vyhlad na trybunie i padčas asabistaj sustrečy z Pucinym dajuć padstavy dumać, što jon byŭ vymušany palacieć u Maskvu chvorym.
09.05.2023 / 11:14
Sumny Łukašenka na paradzie ŭ Maskvie. Kadr ź videa
U Alaksandraŭskim sadzie Łukašenka prysutničaŭ, značyć, jaho tudy davieźli mašynaj.
Źviartaje na siabie ŭvahu taksama toj fakt, što tolki prezident Tadžykistana Emamali Rachmon nadzieŭ na parad tak zvanuju hieorhijeŭskuju stužku. Prezidenty Uźbiekistana i Kyrhyzstana nadzieli razietki ŭ nacyjanalnych kolerach, jak i Alaksandr Łukašenka — z kvietkaj jabłyni, što łukašenkaŭcy zrabili simvałam 9 Maja ŭ Biełarusi. Prezidenty Kazachstana, Turkmienistana i premjer Armienii abyšlisia biez razietak.