У Мінску пачнуць рыхтаваць рэстаўратараў старажытных тынковак
Дырэктар Мінскага дзяржаўнага каледжа тэхнікі і тэхналогій будаўніцтва Валерый Сураўцаў паведаміў, што з новага навучальнага года ягоная ўстанова пачне рыхтаваць спецыялістаў па рэстаўрацыі дэкаратыўных тынковак і ляпных вырабаў.
23.05.2023 / 20:12
Паводле Валерыя Сураўцава, такія спецыялісты ў Беларусі сёння запатрабаваныя дзеля наяўнасці ў ёй шматлікіх гістарычных аб'ектаў.
Навучэнцы каледжа маюць навучыцца рэстаўраваць і кансерваваць дэкаратыўныя старажытныя тынкоўкі, дэталі ляпных вырабаў, матэрыялы з каменя і дрэва. Таксама яны асвояць майстэрства склейвання і зборкі захаваных фрагментаў дэкаратыўных упрыгожванняў.
Плануецца набраць групу з 25 чалавек на падставе сярэдняга бала атэстатаў. Ніякіх экзаменаў здаваць ім не будзе патрэбна.
Чытайце таксама:
Паглядзіце, як цяпер выглядае 200-гадовая царква, у якой бываў Ігнат Дамейка