Doški vyrvali, nakidali śmiećcia, kryža niama. Draŭlanaja kaplica na mohiłkach u Kryčavie znoŭ pad pahrozaj
U kastryčniku minułaha hoda vydańnie Mahiloŭ.media napisała pra staruju draŭlanuju kapličku na pravasłaŭnych mohiłkach u Kryčavie, jakuju pieratvaryli ŭ śmietnicu. Jak ni dziŭna, hetu publikacyju ŭ niezaležnym druku zaŭvažyli miascovyja ŭłady i pasprabavali vypravić situacyju. Unutry budynka prybrali śmieccie, a ŭvachod u jaho kamunalnyja słužby zabili draŭlanymi doškami. Ale ciapier usio viartajecca da raniejšaha stanu.
26.05.2023 / 17:14
Prajšło tolki paŭhoda, ale prablema znoŭ aktualizavałasia, piša toje ž vydańnie «Mahiloŭ.Media». Častka draŭlanych došak, jakimi zabili ŭvachod u kapličku, užo vyłamanaja, a ŭsiaredzinu kultavaha zbudavańnia znoŭ pačali zakidać śmieccie.
Na dadzieny momant usiaredzinie kaplicy valajecca nadmahilny marmurovy pomnik i śpiłavanyja dźvie biarozavyja kałodki. Paśla, jak miarkuje vydańnie, śmiećcia budzie jašče bolš, bo ŭvajści ŭ draŭlanaje stohadovaje zbudavańnie znoŭ možna lohka, jak i naśmiecić tam.
Źjaviłasia i jašče adna prablema. Na samym viersie čatyrochskatnaha dacha kaplicy da niadaŭniaha času znachodziŭsia nievialiki draŭlany kryž, jaki śviedčyŭ pra kultavaje značeńnie zbudavańnia. Siońnia ž na viersie kaplicy kryža niama, jon zhubiŭ svaju haryzantalnuju pierakładzinu i ciapier vyhladaje prostaj viertykalnaj pałkaj naviersie draŭlanaha pomnika.
Čytajcie taksama:
U Biełarusi adkryli pałac Bułhakaŭ paśla restaŭracyi, jakaja doŭžyłasia 14 hadoŭ
U Ružanach adnaŭlajuć kaplicu śviatoha Kazimira
Jak vyhladaje siadziba Tadevuša Rejtana ŭ Hrušaŭcy, dzie prachodzić rekanstrukcyja