Łatvija śviatkuje pieramohu ŭ chakiei. Siejm raptoŭna abjaviŭ 29 maja niepracoŭnym dniom
U noč ź niadzieli na paniadziełak deputaty Siejma pryniali papraŭki da zakonu ab śviatočnych i pamiatnych dniach. Paniadziełak, 29 maja, u honar treciaha miesca zbornaj Łatvii na Čempijanacie śvietu pa chakiei, abjaŭleny śviatočnym dniom.
29.05.2023 / 08:14
Rašeńnie było pryniata litaralna ŭ apošni momant, kala paŭnočy. Pierad hetym, pa danych Delfi.lv, išli intensiŭnyja kansultacyi pa telefonie. U vyniku za pryniaccie zakonaprajekta prahałasavali 52 deputaty, suprać nie prahałasavaŭ nichto, ustrymalisia — troje.
Siońnia chakieistaŭ čakajuć u Ryzie, na 13 hadzin zapłanavana śviatočnaje mierapryjemstva la Pomnika svabody. Uličvajučy razmach śviatkavańniaŭ, miarkujecca, što ŭ centry Ryhi moža być abciažarana ruch transpartu i piešachodaŭ.
U matčy ČS-2023 za treciaje miesca zbornaja Łatvii pieramahła kamandu ZŠA (4:3 u aviertajmie) i ŭpieršyniu ŭ historyi zavajavała bronzavyja miedali. Hałkipier Artur Šyłaŭ pryznany lepšym hulcom turniru.