Łukašenka daručyŭ sfarmavać «mahutny kułak» na miažy. Ukrainskija pamiežniki ŭ hety čas ździekujucca ź biełaruskich
Siońnia Alaksandr Łukašenka pamianiaŭ kiraŭnika Dziaržpahrankamiteta. Niečakana Anatol Łapo byŭ zvolnieny ŭ zapas, a na jaho miesca byŭ pryznačany Kanstancin Mołastaŭ. Ukraincy prypisali na svoj rachunak hetyja kadravyja źmieny.
30.05.2023 / 14:37
Robiačy pryznačeńnie novaha kiraŭnika, Łukašenka zajaviŭ, što patrebna ŭdaskanalvać sistemu. «Treba źviarnuć asablivuju ŭvahu na manieŭranyja hrupy. Jany pavinny być u kožnym atradzie. Tam, dzie vy vyznačycie kropku, pavinien być mahutny kułak», — skazaŭ jon.
Biełaruski «mahutny kułak» na dniach naśmiašyŭ ukrainskich pamiežnikaŭ. Učora DPSU apublikavali, jak jany heta nazvali, «pieramiaščeńnie techniki na hranicy z Ukrainaj». Na kadrach ža biełaruskija pahraničniki pchali złamany «bobik».
A siońnia Anatola Łapo źniali z pasady. U Dziaržaŭnaj pahraničnaj słužbie Ukrainy pažartavali, što kiraŭnika DPK Biełarusi Łapo źniali z-za ich rolika.
«Abiacajem, što i dalej budziem dobrasumlenna fiksavać «dasiahnieńni» vašych padapiečnych», — žartuje DPSU.
Čytajcie taksama:
Ukrainskija pamiežniki pavinšavali biełaruskich z Dniom Pieramohi