У Жлобіне асудзілі вайскоўца за ўдзел у акцыі ў грамадзянскім жыцці
Аляксандра Строкава, які зараз служыць у войску, абвінавацілі ва ўдзеле ў акцыі, калі ён быў цывільнай асобай.
31.05.2023 / 09:54
Хлопец навучаўся тады ў Жлобінскім металургічным каледжы, піша «Гомельская вясна».
У Жлобіне 9 жніўня 2020 г., пасля прэзідэнцкіх выбараў, адбылася мірная акцыя пратэсту, удзельнікі якой патрабавалі сумленнага падліку галасоў. Сярод удзельнікаў акцыі і быў Аляксандр. За гэту акцыю асуджаны некалькі дзясяткаў чалавек.
Прыгавор вынесены Жлобінскім раённым судом 11 мая паводле «народнага артыкула» 342. Суддзя Святлана Рубахава асудзіла хлопца на два месяцы гаўптвахты.