U Hrodnie zatrymali fatohrafa Jaŭhiena Buzuka
Pavodle infarmacyi kanała «Pravo imiejut», mužčyna zatrymany za raspaŭsiud ekstremisckich materyjałaŭ.
02.06.2023 / 17:50
Jak pišuć pravaabaroncy, na videa siłavikoŭ haradzieniec skazaŭ, što zrabiŭ post u instahram, dzie napisaŭ, što hatovy dać źnižku tym, chto prytrymlivajecca «BČB-pohladaŭ».
Taksama mužčynu abvinavacili ŭ tym, što paśla pačatku vajny jon jeździŭ na polska-ŭkrainskuju miažu dapamahać biežancam. Siłaviki napisali, što čamuści zatrymany «nie rvaŭsia dapamahać uciekačam na biełaruska-polskaj i biełaruska-ŭkrainskaj miažy».
Buzuka zatrymali doma i pakłali tvaram u padłohu ŭ pižamie. Na videa mužčyna byŭ u cišotcy z hierbam Ukrainy.