Маўрынью абразіў суддзю фінала ЛЕ на паркоўцы. УЕФА адкрыў расследаванне
Партугальскі спецыяліст, які трэніруе «Рому», лічыць, што брытанскі суддзя сімпатызаваў іспанцам.
02.06.2023 / 18:12
УЕФА пачаў разбіральніцтва з-за абразаў Жазэ Маўрынью на адрас суддзі фінала ЛЕ, піша «Трыбуна».
Пасля матча Маўрынью на паркоўцы «Пушкаш Арэны» ў Будапешце крыкнуў англійскаму суддзі: «Якая ганьба, Вы — [чортавая] ганьба».
На прэс-канферэнцыі пасля гульні партугальскі спецыяліст заявіў, што «суддзя здаваўся іспанцам», а таксама заявіў: «Спадзяюся, суддзя застанецца ў Лізе чэмпіёнаў, дзе будзе займацца той жа фігнёй, што ён зрабіў сёння, і пакіне нас і Лігу Еўропу ў спакоі».
УЕФА адкрыў дысцыплінарную справу ў дачыненні да Маўрынью за «абразлівыя выразы на адрас афіцыйнай асобы матча».
Чытайце таксама:
Маўрынью кінуў медаль на трыбуны пасля паразы ў фінале Лігі Еўропы ВІДЭА
Англійскі фанат атрымаў квіткі на фінал Лігі канферэнцый за бойку. Такое бывае