Kitaj pabuduje ŭ Biełarusi niekalki miedustanoŭ «pad kluč»
Pra hetuju damoŭlenaść paviedamlaje Minachovy zdaroŭja. Adpaviednaje pahadnieńnie ab supracy padpisali pradstaŭniki ministerstva z kampanijaj «Sinafarm» (China Sinopharm International Corporation) padčas vizitu ŭ Kitaj.
04.06.2023 / 16:20
Padčas padpisańnia pahadnieńnia ab supracy. Fota: Minachovy zdaroŭja
Aproč budaŭnictva miedustanoŭ, taksama paviedamlajecca pra damoŭlenaść ab pastaŭkach miedycynskaha abstalavańnia kitajskaj vytvorčaści.
U časie vizitu ŭ Kitaj biełaruskaja delehacyja naviedała Piekinski ŭniviersitet, kab abmierkavać mahčymaści dla supracoŭnictva i abmienu vykładčykami i studentami dla ŭdziełu ŭ navukova-praktyčnych kanfierencyjach, stažyroŭkach, praviadzieńni sumiesnych navukovych daśledavańniaŭ. Univiersitetu pieradali prajekt pahadnieńnia ab supracoŭnictvie z BDMU.
Paviedamlajecca, što taksama abmiarkoŭvałasia mahčymaść supracoŭnictva z univiersitetam u halinie hiematałohii, u tym liku CAR-T-terapii. Havorka idzie pra padrychtoŭku śpiecyjalistaŭ u halinie malekularnaj bijałohii — CAR-T-terapii i novych technałohij pry ałahiennaj i aŭtałahičnaj transpłantacyi kaściavoha mozhu.
Čytajcie taksama: