U Biškieku masavyja zatrymańni. Padazrajuć sprobu dziaržpieravarotu
U Biškieku (Kyrhyzstan) prachodziać masavyja zatrymańni padazravanych u padrychtoŭcy hvałtoŭnaha zachopu ŭłady. Jak paviedamlajuć krynicy radyjo «Azatyk» u siłavych orhanach, supracoŭniki Dziaržkamiteta nacyjanalnaj biaśpieki zatrymali ŭžo kala 10 čałaviek.
05.06.2023 / 09:45
Biškiek. Fota: Wikimedia Commons
Śpiecsłužba pakul aficyjna nie kamientuje abłavu.
Raniej u internecie źjavilisia videazapisy, na jakich bačna, jak ekipiravanyja ŭ formu śpiecpadraździaleńniaŭ śpiešna zachodziać u dom. Na inšym videa jany spyniajuć aŭtamabil i nadziavajuć kajdanki na mužčynu. Vieryfikavać sapraŭdnaść videa pakul nie ŭjaŭlajecca mahčymym.
Infarmacyi, chto zatrymany, pakul niama.