Украіна не будзе выкарыстоўваць знішчальнікі F-16 летам — Рэзнікаў
Самалёты могуць размясціць восенню ці зімой.
05.06.2023 / 12:57
Знішчальнік F-16. Фота: Wikimedia Commons
Міністр абароны Украіны Аляксей Рэзнікаў заявіў, што падчас чаканага контрнаступу летам Кіеў не будзе выкарыстоўваць знішчальнікі F-16, але самалёты могуць размясціць восенню ці зімой. Пра гэта Рэзнікаў заявіў у інтэрв'ю NHK, піша «Украінская праўда».
На пытанне пра знішчальнікаў F-16, Рэзнікаў адказаў, што яны не зменяць сітуацыю гэтым летам.
Міністр заявіў, што для падрыхтоўкі ўкраінскіх лётчыкаў патрэбны час, а Украіне давядзецца таксама дамовіцца са сваімі партнёрамі аб забеспячэнні інжынераў і тэхнічнага персаналу, якія змогуць займацца тэхабслугоўваннем і рамонтам гэтых самалётаў.
Паводле яго слоў, Украіна будзе гатовая размясціць F-16 восенню ці зімой.
Цяпер некаторыя краіны Захаду займаюцца падрыхтоўкай або прапанавалі падрыхтаваць украінскіх лётчыкаў для пілатавання гэтых знішчальнікаў.
Чытайце таксама:
На пастаўку знішчальнікаў F-16 ва Украіну сыдзе ў найлепшым выпадку некалькі месяцаў