Na Bachmuckim napramku USU pierajšli ŭ nastup — Minabarony Ukrainy
«Na Bachmuckim napramku našy vojski pierajšli z abarony ŭ nastup. Za minułyja sutki majem prasoŭvańnie na roznych učastkach Bachmuckaha napramku ad 200 da 1100 mietraŭ», — napisała ŭ svaim telehram-kanale namieśnica ministra abarony Ukrainy Hanna Malar.
07.06.2023 / 14:44
Bachmut. Fota: 24-j bryhady
Pa jaje słovach, vorah na hetym kirunku pierajšoŭ da abarony, sprabujučy ŭtrymać svaje pazicyi. Ciapier rasiejcy ściahvajuć svaje reziervy na hety kirunak z hłybini dla abarony.
Vahnieraŭcy zastajucca dzie-nidzie ŭ tyłavych padraździaleńniach. Pa stanie na siońnia bajavyja dziejańni viadzie rehularnaja armija RF, zadziejničaje desantna-šturmavyja atrady.