Пад Кіраўскам лось напаў на пенсіянераў і леснікоў
Раніцай 7 чэрвеня лось траўмаваў пенсіянераў у вёсцы Стоўпішча Кіраўскага раёна. Пасля гэтага дзікая жывёліна кінулася ў лес і напала на леснікоў недалёка да вёскі, паведаміла раённая газета «Кіравец».
08.06.2023 / 20:47
Фота ілюстрацыйнае
У выніку ласінага нападу мужчыну 1939 года нараджэння і жанчыну 1948 года нараджэння давялося шпіталізаваць. Пасля абследавання пяцерпелых ў бальніцы высветлілася, што пенсіянеры атрымалі траўмы рознай ступені цяжкасці. Больш за ўсё пацярпела жанчына, якая атрымала чэрапна-мазгавую траўму.
Падворак пасля візіту нечаканага госця
Пасля прыбыцця ратавальнікаў да месца здарэння жывёліна ўцякла ў лес, дзе таксама напала на леснікоў недалёка ад Стоўпішча. Цяпер лось адлоўлены, высвятляюцца абставіны здарэнняў. — паведамляе раённая разета «Кіравец».
Чытайце таксама:
У Жыровіцкім манастыры завялі сапраўдны звярынец. Паглядзіце, якія там жывуць жывёлы і птушкі