Май 2023-га стаў у Беларусі самым засушлівым з 1945 года
У сярэднім па краіне выпала 11,9 мм ападкаў, гэта 19% ад кліматычнай нормы. Папярэдні рэкорд быў у 1971 годзе (26 мм), паведаміў Белгідрамет.
08.06.2023 / 21:58
Гістарычныя мінімумы сумаў ападкаў адзначаліся ў многіх гарадах. Толькі на захадзе і паўднёвым захадзе выпала 60-80% нормы ападкаў.
За ўсю вясну ў сярэднім па краіне выпала 120,7 мм ападкаў, што складае 86% кліматычнай нормы за сезон. Па большай частцы тэрыторыі краіны адзначаўся недабор ападкаў — выпала менш за норму ападкаў за сезон. Месцамі па поўначы, усходзе, поўдні і крайнім захадзе краіны сума ападкаў за тры вясновыя месяцы перавысіла норму.
У абласным разрэзе найбольшая колькасць ападкаў адзначаная на тэрыторыі Магілёўскай вобласці (125,4 мм або 92% нормы сезона). Найменшая — у Гродзенскай вобласці — 112,2 мм, ці 78% нормы.
Чытайце таксама:
Чаму ў Мінску ў спякотныя дні моцна смярдзіць?
Белгідрамет б'е трывогу: Верхні слой глебы моцна высушаны
На беларускіх метэастанцыях шэсць начэй запар фіксаваліся тэмпературныя рэкорды