Sinoptyki papiaredzili pra hałalodzicu na darohach
Abvieščany aranžavy ŭzrovień niebiaśpieki.
11.01.2024 / 07:59
Biełhidramiet raspaŭsiudziŭ papiaredžańnie ab niespryjalnych hidramietearałahičnych źjavach i abviaściŭ aranžavy ŭzrovień niebiaśpieki.
U pryvatnaści paviedamlajecca, što siońnia na bolšaj častcy terytoryi krainy i ŭ Minsku čakajecca ŭzmacnieńnie paŭnočna-zachodniaha, paŭnočnaha vietru paryvami da 15-20 m/s, na darohach — hałalodzica.
Miedyki dali niekalki paradaŭ, jak paźbiehnuć traŭmaŭ i što rabić, kali vy atrymali traŭmu.
Asnoŭny sposab prafiłaktyki traŭmaŭ zimoj — abačlivaść pry pieramiaščeńni pa tratuarach, piešachodnych darožkach, piešachodnych pierachodach na mastavoj, asabliva pry najaŭnaści śniežnych zanosaŭ i hałalodu.
U značnaj miery heta adnosicca da kiroŭcaŭ — zachavańnie chutkasnaha režymu, maksimalna ŭvažlivaje staŭleńnie da ŭdzielnikaŭ darožnaha ruchu. Ale, kali adbyłosia padzieńnie, to nieabchodna padać na bok, pa mahčymaści acaniŭšy miesca padzieńnia, kab nie atrymać dadatkovych paškodžańniaŭ.
Zatym praź minakoŭ vyklikać bryhadu chutkaj dapamohi abo pry mahčymaści samastojna źviarnucca ŭ najbližejšuju miedycynskuju ŭstanovu.
Samastojna abo z dapamohaj ludziej stvaryć umovy nieruchomaści dla paškodžanaj kaniečnaści pry dapamozie padručnych srodkaŭ.
Čytajcie taksama:
U Biełaruś viartajucca chałady
Hetaj zimoj u Minsku prymieniać ekśpierymientalny sposab baraćby z hałalodzicaj