Na Vadochryšča ŭ Minsku na vyratavalnych stancyjach abstalujuć kupieli
Pobač ź imi pastaviać ciopłyja raspranalni, taksama arhanizujuć vyjazny handal.
16.01.2024 / 14:19
Fota: Minsk-naviny
Na vyratavalnych stancyjach «Drazdy», «Kamsamolskaja» i «Cnianskaja» ŭ pieryjad vadochryščanskich śviataŭ buduć adkryty miescy dla akunańnia. Pra heta paviedamiŭ žurnalistam 16 studzienia hałoŭny vadałazny śpiecyjalist adździeła Tavarystva vyratavańnia na vodach Alaksandr Halicki, pišuć Minsk-naviny.
Vadochryščanskija kupańni pačnucca ŭ 18:00 18 studzienia i praciahnucca da paŭnočy 19 studzienia.
Taksama A.Halicki nahadaŭ, što da akunańnia treba padrychtavacca zahadzia.
«Z saboj varta ŭziać termas z haračaj harbataj, dadatkovy kamplekt suchoj bializny, apranucca pa nadvorji, kab nie dapuskać pieraachaładžeńnia, — pieraličyŭ śpiecyjalist. — Pažadana nie ŭžyvać šmat vadkaści. Nieabchodna spravić naturalnuju patrebu pierad tym, jak zachodzić u kupiel».
Čytajcie taksama:
Na Vadochryšča sioleta možna budzie akunucca na minskim stadyjonie «Dynama»
Sinoptyki paabiacali istotnaje paharšeńnie ŭmoŭ nadvorja na Vadochryšča
Alaksandr Łukašenka akunuŭsia ŭ pałonku VIDEA (19 studzienia 2021 hoda)