U Hrodnie sudziać byłoha dyrektara kampanii «Ahat — sistemy kiravańnia»
U Hrodzienskim abłasnym sudzie za chabar sudziać Mikałaja Vasiljeviča Balihatava, zaŭvažyła Hrodna.life. Čałaviek z takimi danymi — były dyrektar AAT «Ahat — sistemy kiravańnia», kiraŭničaj kampanii chołdynhu «Hieainfarmacyjnyja sistemy kiravańnia».
06.02.2024 / 17:25
Pradpryjemstva, jakoje ŭznačalvaŭ Balihataŭ, zajmajecca pieravažna kompleksami kiravańnia ahniom. Pasiadžeńnie projdzie 12 lutaha ŭ Hrodzienskim abłasnym sudzie.
Mikałaja Balihatava sudziać pa art. 430 č. 1 KK «Atrymańnie chabaru» i art.424 č. 3 KK «Złoŭžyvańnie ŭładaj abo słužbovymi paŭnamoctvami». Sudździoj na pracesie nad im budzie Alaksandr Kozieł.
Mikałaj Balihataŭ byŭ zatrymany ŭ krasaviku 2023 hoda, da taho jon uznačalvaŭ pradpryjemstva ŭsiaho 9 miesiacaŭ.
Papiaredniaha dyrektara, hienierała Hienadzia Kazakova, aryštavali pry kancy krasavika 2022-ha i ŭ vyniku asudzili da 7 hod kałonii ŭzmocnienaha režymu pa č. 3 art. 430 — chabarnictva ŭ asabliva bujnym pamiery.
Na źmienu jamu ŭ lipieni taho ž hoda pryjšoŭ Mikałaj Balihataŭ, jaki da taho ŭznačalvaŭ adno z pradpryjemstvaŭ chołdynha — «Ahat — elektramiechaničny zavod».
«Ahat» — adno z centralnych pradpryjemstvaŭ biełaruskaj abaronki, jakoje zajmajecca pieravažna kompleksami kiravańnia ahniom.
Čytajcie taksama:
Zatrymany druhi zapar kiraŭnik «Ahata» — pradpryjemstva, jakoje dapamahaje ruskim zabivać ukraincaŭ
Jak patracić 2 miljony dziaržaŭnych rubloŭ, kab ničoha nie było
Jak «AHAT» abłažaŭsia z kanstrukcyjaj biełaruskaha«Bajraktara»