Ператрус на кватэры віцебскага журналіста Сяргея Серабро
Абноўлена а 18:32
Былі канфіскаваныя два кампутары, а таксама фотаапарат.
13.01.2010 / 17:11
18:32. Падчас ператрусу былі канфіскаваныя два кампутары, а таксама фотаапарат.
***
Міліцыя праводзіць вобшук у кватэры журналіста, рэдактара інтэрнэт‑старонкі «Народныя навіны Віцебска» Сяргея Серабро.
Дзесьці ў абед жонцы Сяргея патэлефанавала гаспадыня кватэры, якая сказала, што яе забралі з працы і вязуць на ператрус. Цяпер з гаспадыняй звязацца немагчыма, у яе адключаны тэлефон.
Сёння раніцай Сяргею Серабро тэлефанавала следчая Аксана Муравіцкая, якая запрашала на размову адносна здымкаў бел‑чырвона‑белага сцяга на ёлцы, які вывесіў Сяргей Каваленка 7 студзеня.
Журналіст адказаў, што без позвы з’яўляцца не будзе. Ні Сяргей, ні ягонай жонкай пры ператрусе не прысутнічаюць.