Za raspaŭsiud «ekstremizmu» aryštavali žychara Navapołacka
Sudździa suda Navapołacka Zinaida Bałabołava 12 sakavika za najaŭnaść u sacyjalnaj sietcy spasyłak na «ekstremisckija» resursy aryštavała na 10 sutak namieśnika dyrektara pa kamiercyjnych pytańniach TAA «Judžen» Uładzimira Vołkava, daviedałasia «Viciebskaja viasna».
23.03.2024 / 20:15
U pratakole ab administracyjnym pravaparušeńni zapisana, što Uładzimir u instahramie mieŭ spasyłki na supołki: majakrainabelarus, Belsat», «Radyjo Svaboda — Biełaruś», jakija ŭłady ŭklučyli ŭ respublikanski śpis ekstremisckich materyjałaŭ.
Mužčyna na sudovym pasiadžeńni vinu pryznaŭ, pry hetym źviarnuŭ uvahu suda na toje, infarmacyju na svajoj staroncy ŭ sacyjalnaj sietcy Instagram raźmiaščaŭ da pryznańnia jaje ekstremisckaj i namieru na raspaŭsiudžvańnie ekstremizmu nie mieŭ.
Tym nie mienš, sudździa Bałabołava ŭhledzieła ŭ dziejańniach Vołkava skład pravaparušeńnia i na padstavie č. 2 art. 19.11 KaAP pakarała jaho aryštam terminam na 10 sutak.
Čytajcie taksama:
U Žłobinie zatrymali i asudzili nie mienš za čatyroch čałaviek
Palitviaźniu Alaksandru Kulikovu, jaki pavieryŭ siłavikam, dadali jašče paŭtara hoda źniavoleńnia