У Севастопалі збіты расійскі вайсковы самалёт — выглядае, што сваёй жа СПА
У Севастопалі збіты расійскі вайсковы самалёт, які ўзлятаў з аэрадрома Бельбек.
28.03.2024 / 18:46
Скрыны відэа з сацсетак
На відэа, якія з'явіліся ў сацсетках, бачна, як самалёт загараецца ў палёце і падае.
Па даных канала 112, гэта знішчальнік Су-35.
Папярэдне — яго магла збіць расійская ж СПА (так піша канал «ВЧК-ОГПУ»).
Губернатар анэксаванага Севастопаля Міхаіл Разважаеў пацвердзіў падзенне самалёта. Ён адзначыў, што лётчык катапультаваўся, грамадзянскія аб'екты не пацярпелі. Але прычыны здарэння не назваў.