Na Viciebščynie raskryli zabojstva, jakoje adbyłosia 25 hod tamu
Uletku 1998 hoda na bierazie raki ŭ Sieńnienskim rajonie znojdzieny trup 26-hadovaha žychara Oršy z prykmietami hvałtoŭnaj śmierci. Jaho zastrelili, pryviazali hiru i patapili. Adrazu raskryć złačynstva nie ŭdałosia.
04.04.2024 / 09:21
Zatrymańnie adnaho z padazravanych. Skryn videa
U 90-ja hady zahinuły zajmaŭsia narkotykami, jakija dastaŭlaŭ z Rasii dla prodažu ŭ Biełarusi. Adnojčy jon z «partniorami» adpačyvaŭ na pryrodzie, pamiž imi adbyŭsia kanflikt praz hrošy — 38-hadovy znajomy niekalki razoŭ streliŭ u paciarpiełaha, toj pamior na miescy. Kab pazbavicca ad trupa, zabojcy pryviazali da jaho šyi hiru i skinuli cieła ŭ raku.
Praz 14 hadoŭ dvoje ź fihurantaŭ, jakija ŭdzielničali ŭ zabojstvie, pamierli.
Dvaich, što zastalisia, dniami zatrymali ŭ Oršy.
Jakim čynam apieratyŭniki vyjšli na śled padazravanych praz 25 hod, nie paviedamlajecca.
Čytajcie taksama:
«Chałaściak biez vyšejšaj adukacyi». U Biełarusi vyznačyli partret typovaha piedafiła
Śledčy kamitet narešcie raskryŭ zabojstva 25-hadovaj daŭniny. Voś tolki karać užo niama kaho
U Polščy naviednik stryptyz-kłuba sprabavaŭ zarezać tancoŭščycu ź Biełarusi