U Hrodnie z-za pachaładańnia znoŭ uklučajuć aciapleńnie ŭ damach
U Hrodnie ŭ žyłym fondzie znoŭ uklučać aciapleńnie. Heta źviazana z padzieńniem siaredniasutačnaj tempieratury pavietra, paviedamlaje «Hrodna Plus». Raniej, z 8 krasavika, u hetym horadzie pieršym z bujnych haradoŭ u Biełarusi pačali adklučać aciapleńnie z-za prychodu ciopłaha nadvorja.
16.04.2024 / 21:31
«U suviazi z panižeńniem tempieratury i budučym prahnozam nadvorja ź siońniašniaha dnia znoŭ budzie ŭklučana padača ciapła ŭ damy. Pra heta paviedamili ŭ Hrodzienskim harvykankamie», — infarmuje haradski telekanał.
Havorka ŭ hetym vypadku pra druhuju čarhu abjektaŭ: heta ahulnaharadskija łaźni, teatry, balnicy, ustanovy adukacyi, a taksama internaty i žyły fond, udakładnili ŭ «Hrodnaenierha».
Učora stała viadoma, što na anałahičny krok pajšli haradskija ŭłady ŭ Viciebsku.
U Biełarusi rašeńnie ab zaviaršeńni aciaplalnaha siezona prymaje miascovaja ŭłada. U balnicach, sadkach i škołach heta, jak praviła, robiać pry siaredniasutačnaj tempieratury vonkavaha pavietra +10℃ na praciahu troch sutak. Dla kvater tempieratura źniešniaha pavietra nie pavinna pieravyšać + 8℃.
Na hetym tydni ŭ Biełaruś pryjšło pachaładańnie. Sinoptyki prahnazujuć daždžy i navat mokry śnieh.
Znoŭku pačali ŭklučać aciapleńnie
Aciapleńnie ŭ Minsku pieraviali na minimum
Aciapleńnie pačali adklučać u bujnych haradach