Kiraŭnika rahačoŭskaha BCHD asudzili na 5 sutak aryštu

01.07.2011 / 16:00

Siońnia Rahačoŭski rajonny sud vynies vyrak pa administracyjnaj spravie kiraŭnika miascovaj filii BCHD Dzianisa Daškieviča.

Daškievič pracuje pradprymalnikam. Jon stvaralnik Infarmacyjny partał horada Rahačoŭ. Mienavita za hety sajt jaho i sudzili, bo na im byŭ źmieščany zaklik 26 červienia vyjści z maŭklivym pratestam na Płošču Rahačova.

Dzianis nie admaŭlaŭ, što heta sajt jahony, kaža Pavieł Sieviaryniec. Sud adbyŭsia za začynienymi dźviaryma. Vyrak — 5 sutak aryštu.

ZP